Helfenberg soll leben!

I fühl mi wohl und bin so gern im Ort,
doch hie und da muss jeder einmal fort:
Was darad i, wann`s keine Supermärkte gab?
Mir und mein`Auto wurd` da richtig fad!
Am Montag fahr i einkaufen zum Billa,
d`Soletti san dort um 3 Cent scho bill`ga.
Das Klopapier is weicha nu im Euro-Spar,
kauf glei 3 Schachteln, ,s Auto is jo e nu laa!
Am Dienstag fahr i dann zu`n Hofa-Markt z`Lafö,
kauf dort 10 Soaf`n und 20 Kilo Möh.
Für d`Unterhos`n gibt`s beim Vögele Rabatt,
i kauf`s, obwohl, s mei oide e nu dad!
Und um a Folienbrot und 10 Semm`ln drin im Netz
I in da Fruah zum Nah und Frisch nach Haslach wetz.
Und fahr jed`n Mittwoch dann nach Rohrbach weida,
weil dort im Hofa-Markt san a d`Bananen gscheida.
Mach nu an Abstecha in d`EHG:
5 Taschenlamp`n um 10 Euro!, s is koa Schmäh!
Dazua gibt`s gratis drauf a 40er Birn,
i bin und bleib do ima nu a Mensch mit Hirn!
Am Donnerstag lass i mir schneid`n in Linz de Haar
draußd in da Metro, i mir damit 50 Cent daspaar!
Am Freitag komm i drauf: da Bua bracht Filzstift nu zum Moin;
i werd`s 20 km weg von da ban Libro zoin!
Beim Zruckfahr`n tank i nu in Haslach auf.
,s Benzin ban Hofa Berthold? Na, i hoit nix drauf!
5 Kilo Waffal nimm i mit vom Lagerhaus,
da Preis schaut dort`n scho ganz ondas aus!
Und weil am Sonntag wir a Schnitzl kriag`n z`Mittag,
lass i mir leg`n das Fleisch im Unimarkt auf  d`Waag!
I bin a Patriot, an jed`n kann i mei Versprech`n geb`n:

Des is mei Wahlspruch: 

 
Helfenberg soll leb`n!